Marino Fariñas Menéndez (meu avó) ten setenta e seis anos. Naceu no Curral dos Mateos, na parroquia de Anafreita no ano 1936. Foi e é, un importante gaiteiro coñecido por todas as terras de Friol como o gaiteiro de Anafreita.
A súa historia comezou cando tiña tres anos. El vivía ao lado da casa dun señor que facía gaitas, José Fariñas Saavedra (que aínda que compartía apelido non era da súa familia). Un día, meu avó, colleu unha camisa de tirantes atouna a unha vara e facía que tocaba a gaita. José viuno facendo que tocaba e decidiu regalarlle un punteiro que xa non necesitaba. Meu avó moi contento aprendeu, así, as súas primeiras notas, ata que moito tempo despois, e cos seus aforros comprou unha gaita de verdade que lle fixo un sobriño do tal José, chamado Casimiro López. Seus pais opúñanse a que meu avó aprendese a tocar a gaita, pero el non fixo caso. Logo coñeceu a miña avoa, que en realidade eran curmáns pero xa afastados, namoráronse, casaron e tiveron dous fillos, un deles meu pai.
O meu avó andou polas terras de Friol tocando a gaita nas festas de Anxeriz, Samede, Miraz,..
As pezas que máis lle gusta interpretar son a muiñeira de Chantada e a xota de Lugo. Lembra que cobraba tres pesos (dez céntimos de €).
Nestes anos pasados, aprendeulle a tocar a gaita a miña irmá.
Aquí deixo un enlace por se queredes escoitar ao meu avó tocando unha muiñeira.
E premendo aquí escoitarédelo tocando unha xota
Nome da casa: Casa de Marino ou casa de Pardiñeiro
Lugar: Curral dos Mateos
Parroquia: Anafreita
Traballo feito por María Fariñas
A súa historia comezou cando tiña tres anos. El vivía ao lado da casa dun señor que facía gaitas, José Fariñas Saavedra (que aínda que compartía apelido non era da súa familia). Un día, meu avó, colleu unha camisa de tirantes atouna a unha vara e facía que tocaba a gaita. José viuno facendo que tocaba e decidiu regalarlle un punteiro que xa non necesitaba. Meu avó moi contento aprendeu, así, as súas primeiras notas, ata que moito tempo despois, e cos seus aforros comprou unha gaita de verdade que lle fixo un sobriño do tal José, chamado Casimiro López. Seus pais opúñanse a que meu avó aprendese a tocar a gaita, pero el non fixo caso. Logo coñeceu a miña avoa, que en realidade eran curmáns pero xa afastados, namoráronse, casaron e tiveron dous fillos, un deles meu pai.
O meu avó andou polas terras de Friol tocando a gaita nas festas de Anxeriz, Samede, Miraz,..
As pezas que máis lle gusta interpretar son a muiñeira de Chantada e a xota de Lugo. Lembra que cobraba tres pesos (dez céntimos de €).
Nestes anos pasados, aprendeulle a tocar a gaita a miña irmá.
Aquí deixo un enlace por se queredes escoitar ao meu avó tocando unha muiñeira.
E premendo aquí escoitarédelo tocando unha xota
Nome da casa: Casa de Marino ou casa de Pardiñeiro
Lugar: Curral dos Mateos
Parroquia: Anafreita
Traballo feito por María Fariñas
Ningún comentario:
Publicar un comentario